كلية التمريض
بدأت الحكاية من ٣او ٤ سنين لما بدأت كلية التمريض تاخد مجموع فوق ال٩٤ ٪ نظرا لانها من الكليات القليلة اللي لسا فيها تكليف ووصل مجموعها اخر سنة لفوق ال٩٦٪ دا غير ان نص الطلبة اللي فيها دفعة ٢٠١٩ جايبين فوق ال٩٧٪ متخيل المجموع كبير ازاي بس للأسف المجموع الكبير دا مقدرش يعمل حاجة قدام التنسيق وخلا معظم الطلاب تتنازل عن طب بيطري وتختار تمريض لمجرد التكليف وبيقنع نفسه بأنه في المجال الطبي وان دا قضاء وقدر وربنا كاتبلنا الخير في المهنة دي وان التمريض بيطور والناس بدأت تغير نظرتها للتمريض وان اكيد وضعه مش هيبقى زي الممرضين بتوع زمان والكلام اللي الناس بتقوله عنهم ويبدأ الطالب يرضى بالأمر الواقع ولكن مع التقدم دا كله نتفاجئ بحاجات غريبة الكلية بتعملها وللأسف ملهاش اي مبرر وهما (المعهد الخاص)(التمريض المكثف)
حرفيا الحاجتين دول اكتر حاجة مهينة لطالب التمريض وزي ما تكون رسالة من الكلية بتقولك انت مدمر نفسيا من مجموع الثانوية احنا هندمرك اكتر بأننا هنعمل معهد خاص نعلم فيه طلاب الدبلومات بس متقلقش مش هيتساووا بيك لان ملهمش تكليف لا هيشتغلوا زيك زيهم في الخاص بس مش بس كدا دا هديتنا ليك هنعلم الناس اللي مجبوش مجموع الكلية وكمان من علمي علوم وعلمي رياضة وندلهم كل اللي درستوا في اربع سنين في سنتين بس ويبقى زيك زيه في الاخر .
حجة الكلية ان فيه عجز في التمريض وكان الرد عليهم قللوا التنسيق نص في المية بس وهتسدوا العجز دا او كان الاولى لطلبة معهد الفني الصحي اللي جايين من مدارس التمريض اللي بتاخد من ٩٨٪ بالمناسبة من بعد الاعدادية انهم يكملوا دراستهم في الكلية .
رسالة بس للي حط القرار دا عارف كام طالب اتحطم نفسيا هو واهله بعد نتيجة الثانوية وعرف ان جاله كلية تمريض ....متخيلتش اد ايه
بدأت الحكاية من ٣او ٤ سنين لما بدأت كلية التمريض تاخد مجموع فوق ال٩٤ ٪ نظرا لانها من الكليات القليلة اللي لسا فيها تكليف ووصل مجموعها اخر سنة لفوق ال٩٦٪ دا غير ان نص الطلبة اللي فيها دفعة ٢٠١٩ جايبين فوق ال٩٧٪ متخيل المجموع كبير ازاي بس للأسف المجموع الكبير دا مقدرش يعمل حاجة قدام التنسيق وخلا معظم الطلاب تتنازل عن طب بيطري وتختار تمريض لمجرد التكليف وبيقنع نفسه بأنه في المجال الطبي وان دا قضاء وقدر وربنا كاتبلنا الخير في المهنة دي وان التمريض بيطور والناس بدأت تغير نظرتها للتمريض وان اكيد وضعه مش هيبقى زي الممرضين بتوع زمان والكلام اللي الناس بتقوله عنهم ويبدأ الطالب يرضى بالأمر الواقع ولكن مع التقدم دا كله نتفاجئ بحاجات غريبة الكلية بتعملها وللأسف ملهاش اي مبرر وهما (المعهد الخاص)(التمريض المكثف)
حرفيا الحاجتين دول اكتر حاجة مهينة لطالب التمريض وزي ما تكون رسالة من الكلية بتقولك انت مدمر نفسيا من مجموع الثانوية احنا هندمرك اكتر بأننا هنعمل معهد خاص نعلم فيه طلاب الدبلومات بس متقلقش مش هيتساووا بيك لان ملهمش تكليف لا هيشتغلوا زيك زيهم في الخاص بس مش بس كدا دا هديتنا ليك هنعلم الناس اللي مجبوش مجموع الكلية وكمان من علمي علوم وعلمي رياضة وندلهم كل اللي درستوا في اربع سنين في سنتين بس ويبقى زيك زيه في الاخر .
حجة الكلية ان فيه عجز في التمريض وكان الرد عليهم قللوا التنسيق نص في المية بس وهتسدوا العجز دا او كان الاولى لطلبة معهد الفني الصحي اللي جايين من مدارس التمريض اللي بتاخد من ٩٨٪ بالمناسبة من بعد الاعدادية انهم يكملوا دراستهم في الكلية .
رسالة بس للي حط القرار دا عارف كام طالب اتحطم نفسيا هو واهله بعد نتيجة الثانوية وعرف ان جاله كلية تمريض ....متخيلتش اد ايه
ليست هناك تعليقات:
إرسال تعليق